مسجات قصائد روعه

لـأني معجبة جداً بقصائد الشاعر : حامد زيد
ومحتفظة بقصائد كثيرة له .. عندي

و خلال تصفحي وبحثي عن بعض مقاطع من قصائده
وجدت مجموعة .. رائعة منها ..

مقاطع صوتيه ورسائل وسائط للجوال
أخترتها لكم .. وأتمنى أن تنال رضاكم ..


موت فيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون
ادري ان شجونك شجون واعنادك عناد
والبلا ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون


ماهقيت ان السعادة خيال في خيال
تروى قلوب الحبايب وقلبي ما روى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
ما رضا لي حظي اللي طواني وانطوى
قلت لا فراحي تعالي ولا قالت تعال
والخفوق ان قلت ابقبل على صدي نوى
الله أكبر لا شرقت شمس يتلاها زوال
كيف ابفرح في صباح مع الليال استوى؟
لاحصل بالحب قسمة ولا جا لي مجال
غير اشوف معاند الجرح وعناد الدوى



أنا جيت اعشقك نبض ومشاعر ما اعشقك تمثال
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك



ماتقبلت الفراق وما ليدي فيه حيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة امس بعيني اطول من شهرها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
والحبيب اللي صدوده مثل مداته جزيله
صد عني واعرفه لو صد عن حاجه هجرها

:


لوتحب أكتب كتبت ولو تحب أمحي محيت
وش بغيت أمر تمنى لايغرك صغر سني
شايف أنجوم الثريا جبتها لك لو بغيت
لو بعيش أعطي كفوفك مثل ماكفوفك عطني
لاتحسب أني بوفي لو عطيت ولوعطيت
أشهدني ماوفيت ولو وفيت أنشهدني
قلت عن نفسي مقصرواشهدني ماوفيت
لأنك أغلى من عروقي والوريد اللي سكني
واعتزازك تاج يبقى فوق راسي ماحييت
لأختلف فيك شخص ضنك لازم أخلف فيه ضني
وأن رويت الماي بروى مثل ماأضمى لاضميت
وأنزعلت أزعل وأبرضى لارضى قلبك لأني
واجب أزعل لازعلت وواجب أرضى لارضيت
انت مثل البحر تعطي والعطى ثقل وتأني
بس هو يعطي وياخذ وأنت ماعمرك خذيت:




من طلب العلا نام الليالي
وسحب البطانيه وقال انا مالي
خذ صفر ولا تبالي
فان الصفر من شيم الرجال
دخلت المتحان من غير تحضير
فوجدت السؤال الاول عسير
والثاني لم اجد له تفسير
والثالث كاد عقلي يطير
فدعوت الله ان يقرب ورقه زميلي مني
ويبعد عيون المراقبين عني
اللهم عليك بدفتر الدرجات.وحول الصفر الى مئات
اللهم عليك بالوكيل.واجعل له خرطوم طويل
اللهم عليك بالمرشد الطلابي.واجعله ممن تنهشه الافاعي
اللهم عليك باستاذ الدين.لانه كبير المنافقين
اللهم عليك باستاذ اللغه العربيه.واجعله من عمال البلديه
اللهم عليك باستاذ التاريخ.واحذفه بعيدا الى المريخ
اللهم عليك باستاذ الجغرافيا.لانه من عصابه المافيا
اللهم عليك باستاذ الاحياء.واجعله من عارضات الازياء
اللهم عليك باستاذ الانجليزي.becouse he is craze
اللهم عليك باستاذ العلوم.واحبسه بين الفم والبلعوم
اللهم اعطي المدرس ضربه قويه.والمدير سكته قلبيه
والمدرسه قنبله ذريه.والطلاب عطله صيفيه
اللهم هذا من باب الدعابه.فلا نرجو منك الاستجابه

ياحبيبي .. استمع مني شوي
لاتصد .. ولا تضايق ..
كلمتين اقولها لك .. انت رايق ؟
مثل حبك مالقيت ومالقيت ..
مثل احساس الجنون اللي بحبك مانسيت ..
كل مابي قد تغير يوم شفتك
كل كذبي هو تحول من عرفتك ..
بس لازم تستمع اخر كلامي ..
وش نهاية عشق جايع .. حب ضامي ؟؟


ودي اااااغير حياتي كلها ..
ودي انسى كل شي ..
وحتى انت ..
ابدى في نسيان حبك ..
ايه وربك
بكفر بكل الحلوف اللي هديتك ..
حتى عهدي ..
بمسح بوجهه بلاط الصدق عندك ..
وسط بيتك
بس انا بطلبك طلبه ..
في زفافي ..
ماابي غيرك يقول احلى قصيده
زفني فيها بصوتك ..
خل كل الغيد تفرح
وانت افرح ..
وخل هالكوشه تبسم ..
في وجودي ..
وخل كل الورد مسرح .. من ورودي
هي تقول .. وكل مافيني من الصدمه ذهول ..
انربط كل الكلام بموقد الاحساس يصرخ
ويش اقووووووووووول ؟؟
ياالهي ..
مااصدق ..
هو كلامه .. او انا في حلم مزعج
مااصدق لا وربي ذا كلامه ..
حتى اذكر يوم يبدى في سلامه ..
كان يرجف ..
الا والله رجفته هذي انا اذكر
يوم يبكي لي ويحلف
ماابيعك .. ماابيعك ..
لو تموت احلى سنيني ..
لو يذوب العمر فيني ..
مااعيش الا بربيعك ..
بس انا كيف ابتديها ..
ياقصيده طالبك طلبة سنيني ..
ياجنوني طالبك طلبه تجيني
يالله نبدء ..
لاتقول الموت يعني لي قصيده
باابتديها وبانتهيها ..
اقسم بربي وربك ل ابتليها
ويش يعني بعدها ممكن يصير .
يالله نبدء او بقى شيء خطير



ممكن ابدء ؟
ليلة ٍ ماهي مثل كل الليالي
ليلة ٍ تبكي على مجنون ليله
يالله كمل ؟؟
قول يالله لاتلعثم ..
كل هالصاله على حزنك ترنم
لاتنمل
ليلة ٍ فيها رخص من كان غالي
ثم شالو في عزاه الفين شيله
بس تذكر .. هو حبيبك ..
ياجنون الشعر خله في سعاده
لاتعكر جوه الصافي وتذكر
انه الغالي حبيبك ..
او من كان يتسمى اب نصيبك
كمل الزفه بروح الخاسر اللي ..
مبتسم في يوم موته ..
يالله كمل ..
ليلة ٍ فيها الفرح لا مايبالي
يوم بانت شيخة الغيد الكحيله
جت تمايل والهوى صدره شمالي
واللقا زغرد على خل وخليله
اقبلي ياماسة التاج الخيالي
وانثري زينك على من هو يكيله
ادرى قاسي ..
حكم هالدنيا عليك ..
بس انت اكبر واكبر
انت ناسي؟
هي ترى والله تحبك ..
سابقاً ..
وانت تفرق
سابقا ً و لاحقاً ..
اختم الزفه وبارك ..
وانسحب في صمت عاشق
مابحث بأسباب موته ..
لاااااااااااااااااا ابد ماني بعاشق
من يقول اني احبه ..
اقسم بربي وربه .. مااحبه
بس انا بااااموت لو قفى بدربه ..
ياجنوني لااا ترفق ..
خلني اختم قصيدة زفته ..
اب بيت واحد .. لو يبي يعرف غلاه وامحبته
لاتروحي طالبك يالله تعالي
لو تروحي كيف اعيش العمر ليله