(كني خلوجٍ بالصحاي تحني)

(كني خلوجٍ بالصحاي تحني)


هذة القصيدة رد على

قصيدة (ربابة شوق) للشاعر طير الشوق

ربابتي تبكي على حزن حزني
تبكي الم والواقع اللي معي صار

تعزف حزنها والحزن قد حدني
عبره وونه والفكر دوم محتار

كني خلوج(ن) بالصحاري تحنى
واللي شراها صار من دار لدار

ماعدت اميّز صاحبي من طعني
وأن قلت ياخلي تعذر بالاعذار

ماباقي الا يقطع مني الوتيني
ومن بعد ماني فارس(ن) له ومغوار

غيّر مرامه واخلف اليوم ظني
دار الرحى عكس العقارب والتيار

واحترت كيف احب والخل خذلني
وعزّيت نفسي في المصاب بقولة اقدار

اكذب على نفسي وحبه مكنّي
غدا كما الوالدين وعيوني بالانظار

وكلن على موال ليلى يغني
احد(ن)بجنه وواحد(ن) في وسط نار

الحب ياصاح اذرف الدمع مني
والحب حاكم للعشاشيق جبّار

كم واحد قبلك وقبلي رمني
فيروس ماينفع معه لو كسبار

دائنٍ على العاشق يمكن يجني
ماله شبيه(ن) كود قصاف الاعمار

والحب في هذا الزمن يخلفني
مثل العشب لاجاه ريح(ن) مع اعصار

نزوه ونزوه والوسايل غزني
اعطيك موجز والفضا ضاق بالاقمار

ماعم انا كل البشر يغدرني
فينا وفيهن طيبيينٍ مع خيار

وختامها يا الله على النفس تعيني
اعداد ماصلى المصلي بالاسحار