تركتك ليش ؟؟ ماتدري ؟ سوالك فيه لعب أولاد

تركتك ليش ؟؟ ماتدري ؟ سوالك فيه لعب أولاد



يقولون الصدف دايم تـجي أبرك من المـيــعاد
واقول الصدفه اللي جابتك خلتني آعانـــــــي

تـرفق لا تـعـذبـنـي تـرى تـو الجروح جـــــــداد
ترى لازالت أحزاني على خـبرك هي أحزاني

تحـملـتك عـسى يـوم ٍ عرفـتـك فيه ماينــعاد
تفـنـنـت بعذابي وإبـتـدت بي غربة أزمانــــي

صبرت وقـلت تـتــْعـدل ولكن الصــبر مافـــــــاد
على شانك تأكد صابر ٍ ماهو على شانـــــي

عظيمه كانت الصدمه على ماقيل جـبت أعـياد
لعبت بحسبة أشواقي واحاسيسي ووجداني

عـلى هــذا أنـا قررت تـركك يـوم حـملــــي زاد
وأنا شاللي مصبرني على هــمي وحرمانـــي

تركتك ليش؟ ماتدري ؟؟ سؤالك فيه لعب أولاد
لأني أرفـضـك لما تجاهـلني وتنســـــــــــــاني

أنا بالطـيب تـملـكني ولـكن لا تـجي بعـــــــناد
تحداني .. ؟ .. ترى مافاز قبلك من تحدانــــــي

يقولون الصدف حلوه عـسى يوم الصدف لاعاد
لأني يوم صادفـتـك .. بصدري ثار بركانــــــــــي

__________________
.