لا حول ولا قوة الا بالله .. من جد شي يخوف ]~

السلام عليكم ورحمة الله وبركاته

قصه حقيقيه

حصه آنسآنه طيوبه ومحبوه من الكل


تعشق شي اسمه ( نت ) وتقريبا يومها كله يروح بالقعده ورى هالآب توب

وماشاءالله عليها بكل منتدى تدخله تتميز وتاخذ رتبه

تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر )

وهي ماشاءالله شعلة نشاط بكل هالمواقع ( لكن ) فيه واحد من هالمنتديات تحبه بشكل

جنوني وناقعه فيه ليل مع نهار ومحبوبه من الكل فيه

ولانها متميزه بشغله بهالمنتدى محد تميز فيها الا هي .....؟؟
المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها

بهالشغله اللي تسويها وع هالحال لمدة سنتين لاتكل ولا تمل

وطبعا ادارة هالمنتدى ماتقصر بمنحها الاوسمه والتشجيع المستمر

اللي يخليها تناقز من الفرحه وتعطي اكثر ..

المهم هالبنت تقرر زواجها

وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ فيه


خلصت كل تجهيزاتها الزواج

قرب زواجها وقبل الزواج بإسبوع فقط ..؟؟

اقعدت من النوم وهي تصارخ وتبكي بشكل هستيري

وكان اصراخها عالي وع وصف اختها كان اصراخ مرعب وكأنها ( ملبوسه )

استمرت بـ الصراخ واللي حولها يحاولون يهدونها

لكنها مستمره بشكل مخيف



لما وصل اخوها وشاف شكلها الغريب بسرعه طلع من البيت وراح لإمام المسجد
وجابه للبيت دخل الامام وشاف منظر البيت

فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه

وتغسل وجها

بعد فتره هدت البنت وبدت تبكي بحرقه وتقول خلاص معاد ابي اتزوج خلاص

هالزواج مافيه خير لي ولكم

فـ استغرب الجميع من كلامها وقالت اختها زواجك بعد اسبوع

قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاك

تقولين هالكلام وتتخذين هالقرار المفاجىء للجميع ...

قالت

شفت شي بمنامي خلاني التخذ هالقرار

شفت اني لابسه ثوب زواجي وكنت بصالة الافراح وامشي بين الحضور

وكنت فرحانه بس كنت احس الارض اللي تحتي مو مستويه وبغيت اطيح اكثر من مره

بس كنت اتماسك قدام الناس علشان الفشله ..

وصلت الكوشه وجلست بإنتظار العريس ولما وصل وبدأ يسلم ع خواته وامه

وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب

المهم جاء وقت تقطيع الكيكه ووقفنا ننتظر الكيكه ولما جابوها العاملين عليها

كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات

انتوا بالذات بذوقكم منها تعالو جنبي

واكشفوا عن الكيكه ولا هي كوره من نار حرارت لهبها يصلي الوجه ونور

اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي

وقالت تعالي قصيها ياحصه ليش خايفه قلت لها بس هذي نار قالت عادي

الكيك متعدد الاشكال بس طعمه حلو ولاتنسين انك انتي اللي طلبتيها بهالشكل

قلت لها متى ياريم وربي ماطلبتها تكون كيذا

قالت ريم الا ياحصه انتي طلبتيها وانا حذرتك من هالشكل وانتي اصريتي عليه

استغربت من كلام ريم واخذت السكين وانا احس اني مغصوبه قطعة اول قطعه

واخذتها بإيدي وكنت راح اعطيها زوجي لكن مالقيته التفت ادوره مالقيته فـ عطيتها

ريم قالت شكرا ماابيها

ولما نظرت للي وراها لقيت طابور من الناس كلهم مادين

ايديهم فـ فرحت قلت غريبه حبوها رغم انها تحرق وبديت اقطع لهم وياخذونها وهم يتألمون

من حرارتها بعدها تعبت وانا اقطع والكيكه كل مانقصت زادت مره ثانيه والطوابير


تزيد واللي يبون منها يزيدون وضليت ع هالحال ساعات طويله ومن التعب كنت ابكي

انهكت ع الاخر وكل ماجات عيني بعين ريم بكيت اكثر وهي كانت تمسح دموعها

صرخت وقلت ياريم تعبت متى تخلص هالكيكه قالت ريم تو الناس ياحصه باقي وااجد

وبدت حرارت النار تسيل مكياجي وتوسخ الفستان وكنت اعاني من التعب الشديد

وفجأه علقت النار بإيديني وبديت اصارخ واصارخ

مثل ماشفتوني .. وانا خايفه خايفه ياشيخ

قال الشيخ استغفري ربك يابنتي وقومي توضئي وصلي ركعتين وان شاءالله خير




نسـأل الله التوبة النصوح
_______

اختها حست ان فيه شي هالحلم ومن الصبح ارسلت ايميل ع احد مفسرين الاحلام

وحلفته بالله انه يفسره لها بخيره وشره للضروره

وبعد فتره ارسل لها المفسر وقال خلي اختك هي اللي تحكي لي ع التلفون

كلمته حصه وحكت له اللي شافته وسألها عن اللي تسويه بحياتها وقالت له كل شي عنها

قال لها فيه شي انتي تخفينه او تسوينه بالخفاء شنو هو ياحصه

قالت فيه شي ياشيخ انا اسويه في احد المنتديات وبصراحه كانت وحده من صديقاتي

دايما تنصحني منه بس انا احب هالشغله واحس اني ماهره فيها

قال الشيخ شنو هالشغله

قالت انا مشرفه ع قسم بأحد المواقع وهالقسم يختص بتلبية طلبات الاعضاء

الخاصه بالاغاني وكنت ابدع فيه احول لهم الصيغ واسوي لهم مقاطع ومكسات

قاطعها الشيخ وقالت استغفري وتوبي هذا كان تنبيه من الله لك

الكيكه كانت عملك الغير صالح والقطع اللي ارهقتك هي صدقاتك بالذنب المشترك مع من

قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه

هو الذنب الجاري وكبره فـ شوفي كم شخص اعطيتيه طلبه وكم شخص سمعه معه وكم شخص

نقله من منتداك الى منتدياتهم وكل هذا بسببك انتي

تقول حصه انهرت وقلت شسوي ياشيخ قال توبي لله توبه نصوحه وتبرئي عن كل
مافعلتيه بهذه المنتديات

خصوصا مايخص الاغاني والمنكرات وسأل الله لي ولك الثبات
وتوبي ياحصه توبي لانك ماتدرين متى الله ياخذ امانته والله يحسن خاتمتنا جميعا
ولاتنسين يبعث المرء ع مامات عليه ياحصه
يبعث المرء ع مامات عليه ياحصه

اللهم صلي وسلم على رسول الله
___________

طبعا حصه الحين تابت لكن تعاني من حاله نفسيه سيئه وتعالج
وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات
واطلب منكم تدعون لها


واللهم إنا نستغفر ونستهديك ونتوب إليك
يا غفار الذنوب ويا ستار العيوب إغفر ذنوبنا وإستر عيوبنا وأدخلنا الجنة يا رب العالمين

الهم اجرنا من النار
اللهم اجرنا من النار
اللهم اجرنا من النار

تخوف من جد مشكوووووور وما قصرت

العضو 'حـــســـايـــف' قام بالعملية التالية: جرب انت وحظك

#1 'نرد الشمال' : 1

--------------------------------

#2 'نرد الشمال' : 1

--------------------------------

#3 'نرد الشمال' : 1

مشكوورر برنس على المروور الرائع